وكأن مصر عقمت عن انجاب رجل غيره

هذا ما اعلنه رجال الحزب الحاكم في المؤتمر السنوي الاخير للحزب اختيار الرئيس مبارك لمن يخلفه في الحكم معلنا عن

جمال مبارك.

ليفرض علينا رجل بدون انتخابات او بانتخابات صورية شكليه.

هذا الموضوع ليس بجديد فقد اختار الرئيس جمال عبد الناصر . السادات ليكون نائبا له بمعنى انه الرئيس القادم .

كذلك فعل السادات فقد اختار مبارك ليكون نائبا عنه وهو ما حدث فعلا . وكذلك يسير على نفس النهج الرئيس مبارك ليختار

ولي العهد خليفة للمصريين من بعده..

جمال مبارك رجل نزل الينا بالباراشوت ويريد ان يتولى الحكم من بعد والده..المادة 77 من القانون المصري حددت مدة حكم

الرئيس المصري الى ان يأتي عزرائيل ...!

استخفافا بعقول المصريين ورغم انف الشعب سيتم ترشيح جمال بيه للرئاسة ولا احترام للديمقراطية ولا احترام للحرية

سارقين اصوات الشعب وارادتهم ولا عزاء للشعب المقهور.. !!

حدث في مثل هذا اليوم

السادس من اكتوبر

قام الجيش المصري بتحرير مصر من الاحتلال الاسرائيلي في يوم السادس من اكتوبر 1973 حيث قامت

القوات المصرية

بتحطيم خط بارليف وهزيمة الجيش الاسرائيلي وتحرير سيناء من ايدي الغاصبين .هذا في عصر الرئيس

المصري محمد انور السادات.

اما في عصرالرئيس المصري محمد حسني مبارك وفي يوم السادس من اكتوبر 2008 قامت قوات الامن

بمساعدة الجيش الاسرائيلي في شد الحصار علي اهالي غزة . حيث اعترضت قوات الامن

المصري قافلة فك الحصار عن غزة التي قام بها مجموعة كبيرة من الشباب المصري الحر ومن المدونين

حيث تم القبض عليهم من امام نقابة الصحفيين بالقاهرة والذهاب بهم الى المعتقلات خرج منهم من خرج

وبقي في السجن من بقى متعرضين لاشد الوان الضغوط والسبب انهم ذهبوا لفك الحصار عن غزة .

سؤال يطرح نفسه ما الفرق بين السادس من اكتوير 1973 والسادس من اكتوبر 2008؟!!

كل سنة وانتم طيبين

كل سنة وكل المسلمين بخير.

كل سنة وكل المصريين بخير .

اللهم اجعل عيدنا القادم في ساحة الاقصي الشريف .

كل عام وكل شهداء غزة في الجنة ان شاء الله .

كل سنة وكل جرحي غزة معافين باذن الله .

كل سنة وغزة انتصار .

كل سنة وغزة اعمار .

كل سنة وجميع المسلمين بخير وفي احسن حال.

تقبل الله صيامكم وجعلنا من عتقائه من النار .

ما الفرق بين احمد نظيف واسماعيل هنية

اعتقد من ناحية المنصب مفيش فرق ده رئيس وزراء وده مث

نبدأ باحمد نظيف صاحب الانكازات العزيمة في مصر

احمد نظيف رجل من رجال مصر له تاريخ اقل ما يوصف به انه تاريخ اسود

رجل يعيش في قصر من افخم القصور في مصر

رجل يدعي الوطنية

يدعي حب مصر وهو لا يحب مصر

يقول الكثير ولا يعمل حتى القليل

وهذه بعض من صور القصر

اما عن اسماعيل هنية رئيس الوزراء الفلسطيني

رجل البطوله رجل الحروب قاهر اعداء الاسلام

رجل الوطنية بيحب بلده بيحب شعبه

رجل مناضل رجل الصمود

رجل يفخر انه يعيش في مخيمات الاجئين

وهذه صورة قصر اسماعيل هنية

عايز اعرف ايه الفرق بين الصورتين

واخييييييييييييرا.......نجحت .......وخلصت!!!

الحمد لله وبفضل الله نجحت وحصلت على بكالوريوس تجارة بتقدير

(........)بعد مشوار طويل وعناء 5 سنوات .مش هقول التقدير

عشان محدش يحسد.

اضراب بموقف سنورس

كنت معزوم في فرح وعندي كام مشوار مهمين في الفيوم رحت الموقف لقيت السواقين واقفين جنب عربياتهم ومحدش عايز يركب سالت يا ناس في ايه عايزين نقضي مصالح مش هينفع كده السواقين هبوا فيا وقالو في لجنة مرور في الطريق واي حد يجنن ويحاول يعدي يدفع 50جنيه .انا قلت يمكن قطاع طرق ولا حاجة قالو لا دي لجنة من المرور.يا جماعة طب حد يروح يشتكي احنا ذنبنا ايه والموقف كله مليء بالناس .انا قلت مفيش غير حل واحد اخد كام واحد من اللي واقفين ونروح القسم ونشوف الموضوع هيرسي علي ايه .ملقيتش حد يروح معايا رحت لوحدي .وانا داخل القسم وقفني واحد من المخبرين وقالي رايح فين قلتله عايز الضابط اللي هنا قالي ليه قلتله في اضراب في الموقف وعايزين نشوف حل .قالي ماليش دعوة ادخل للضابط .دخلت مالقتش ولا ضابط في القسم قلت لكذا واحد من الموجودين قلوا هنبعت وراك عسكري . وفعلا بعتوا العسكري ولا عمل حاجة . المهم انا عايز بعد كده الاقي حد اشتكيه مش هينفع كده..موقف حصل قدامي قبل كده واحدة ست ابنها بيتخانق والناس مسكوه ضربوه والست ماشيه في الشارع بتستنجد حد يلحقني انا واقف في البلكونة شايف الموقف 3 نساء عدوا من امامها قالولها ياست روحي القسم هاتيلهم الضابط الست صرخت وقالت ضابط ايه النهارده الجمعة قافلين.انا لما رحت اشتكيت في القسم ما كانش يوم جمعة .يظهر انهم قافلين علي طول !!!.

افشل مشروع عرفته محافظة الفيوم

محو امية 100000 فرد خلال عام
مطلوب من كل خريج يريد ان يحصل علي عقد عمل بوزارة التربية والتعليم ب100جنيه في شهر!! يقوم بتعليم 10 اشخاص القراءة والكتابةمن ابناء المحافظة .
طبعا عشان يعلم 10ويختبرهم يكون طلع عينه .المهم فعلا كل مدرس جمع 10 افراد بارقام البطاقات الشخصية وما علموش حد وكمان الناس رفضوا يروحوا الامتحانات كل مدرس يشوف 2 من اصحابه يكونوا بيعرفوا يكتبوا ويقرو اكويس ويدخلوا اللجنة ويحلوا الامتحان لل10افراد والمراقب هو المدرس والمصحح هو نفس المدرس (مهذلة)
وانا شفت بعيني المدرسين وهما بيصححوا الدرجات ما بتقلش عن 70%.

حاجة عجبتني جدا مدرس ما دخلش اللجنة وقعد هو واصحابه يحلوا الامتحان في الطرقة خارج اللجنة والمدرس ياخد الورق ويقعد علي السلم يصحح.

الهدف من المشروع محوامية 100000 فرد.
والنتيجة......

لم نستطع محو امية 10 شخص.

وبكرة الاعلام والراي العام يطلع ويشيد بانجازات محافظ الفيوم في اقل من سنة وهى محو امية 100000.

ومش بعيد يصبح وزير في يوم من الايام!!!(رجل صاحب انجازات)