اللي حصل النهاردة في لجنة امتحانات الاعدادية بمدرسة مجمع سنورس حاجة اخر مهزلة وقلة ادب
الحكاية بدأت بطالب قليل الادب في لجان المنازل للصف الثالث الاعدادي..عمره يتعدي ال25 سنة .اول يوم دخل
الامتحان عرف نفسه للمراقبين علي اللجان انه شغال في امن الدولة.مخبر. بدأ يسوق في العبط ويغش بالعافية ويستعمل
الموبايل علي حس امن الدولة. وينزل الحمام كل لجنة ويطلع بورق محلول فيه الامتحان .حتي بعث الله له من يوقفه عند
حده ويعلمه الادب. الكلام سمعته شخصيا من احد المراقبين اللذين شهدوا الحادثة .اليوم في لجنة مادة .اراد
<<عوض سيد ابراهيم>> مخبر امن الدولة ان يعيد مسلسل الغش فقام الاستاذ ((عبد العزيز محمد عبد العزيز))مراقب
اللجنة بمنعه من نزول الحمام او استعمال الموبايل وطلب من مراقب الدور ان ينادي لرئيس اللجان مجرد ثواني وسمع
صوت زعيق وضرب وشتيمة وقلة ادب قام ,,عوض ,,مخبر امن الدولة بالاعتداء على المراقب ونزف الدم من فمه
بكل قلة ادب ووقاحة ونسى انه في لجنه امتحان .قام احد المراقبين بابلاغ الشرطة حضر شويه من بتوع قسم سنورس
وطبعا عرفوا ان الطالب مخبر في امن الدولة فقلبوا الموضوع علي المدرس المتضرر .واثناء الحوار عوص المخبر
كان بيهدد المراقب ويقوله انا هوديك ورا الشمس انا هوريك انا هعمل فيك ايه ..امن دوله بقى حد يقدر يتكلم بس انا عايز
اعرف ؟؟؟؟
هو فيه حاجة ورا الشمس بيودوا الناس الشرفا فيها ..!!! لسه مش عارف ايه التطورات هل هيتم فصل هذا
الطالب قليل الادب ويحرم من دخول الامتحان ام تتواطأ الجهات المختصة ويعاقبو المراقب على امانته ونزاهته
وشرفه .!!!
اعتقد الاحتمال الثاني
