

قامت رابطة مدوني الفيوم وكثير من المدونين من أماكن اخرى بعمل اعتصام امام نقابة الصحفيين للافراج عن المدون محمد خيري جميل الذي صدر له قرار اعتقال وترحيله الي سجن وادي النطرون وايضا المدون محمد عادل الذي تم اختطافه من قبل الاجهزة الامنية ولم نعلم عنه شيء حتي الان.
وهذه قصيدة للاستاذ الشاعر حسام خليل....
أنا مصري بحب الحرية
حبسوني في بلادي الغالية
من مواليد مركز سنورس
فيومي ومصري الجنسية
ومدون واسم مدونتي
جر شكل بس بحنيه
ومهندس عايز اخدم بلدي
علشان تفضل أم الدنيا
بس خدوني وجم خطفوني
من بيتي بإدين مصرية
ومكنتش هستسلم أبدا لو كانت بإدين غربية
واللي غايظني انها مصرية
وسابت ف بلادي الحرمية
مصري وجي يكلبش إيديآه يا خسارة على الوطنية
مصري وجي يهاجم بيتي ويعيش ف بطولة وهمية
فاكر إنه بيخدم بلده لما يكلبش تاني إديه
داخل يهجم يرعب يقلب ويصحّي الناس من حواليه
علشان يزرع فينا الخوف علشان نفضل في السلبية
ونغمض ونسيب الظالم ينهب مواردنا الحيوية
ونسيب أهلي وناسي ف غزة بين الأنياب اليهودية
واسأل يا شعبي المرعوب كل الأطراف المعنية
هو احنا بنحمي المظلوم ولاّ بنحمي الصهيونية؟
واسأل بردو محمد خيري ليه حبسوه وف أي قضية؟
نفسي اعرف إيه ذنبي يا عالم دي مصر ف قلبي وجوا عنيه
وبحب الأقصى وحماس ونفسي يا مصر تعيشي أبيه
.
.
ليست هناك تعليقات:
إرسال تعليق